حبيبتى يا مصر بأدعيلك // بقلم الشاعر // محمد عبد الفتاح بدر
- حبيبتى يا مصر بأدعيلك
- محمد عبد الفتاح بدر
- بتستهلى
- أنا اسهر ليل وأغنيلك
- ومن بدرى
- أصلى الفجر وادعيلك
- ولو جه يوم ضباب وغيوم
- أكون أنديل
- ينورلك ضلام ليلك
- ماهو أصلى
- أنا مصرى
- ودم عروقى
- من نيلك
- حبيبتى يامصر
- بدعيلك
- بتستهلى
- يضحى أبنى
- على شانك
- ويبقى شهيد
- بستهلى
- نشيل م الدنيا أحزانك
- ونكتب بكره
- تاريخ تانى لمصرى جديد
- الناس بالثوره فرحانه
- والفكره لبكره شغلانه
- وكلمه بقولها بأمانه
- بلاش كل اللى جوانه
- ماهوش هيفيد
- بتستهلى
- أجيب أخرى
- وبعد صلاتى أنا وأبنى
- نروح نبنى
- خلاص نور
- طريق النصر
- وكلمة مصر
- بتعجبنى
- ولازم تعلى
- فى مكانك
- ماهو أصلى
- أنا مصرى
- ودم عروقى
- من نيلك
- حبيبتى يا مصر
- بدعيلك
ليست هناك تعليقات:
إرسال تعليق