مع السلامه ياحبيبي // بقلم الشاعرة // صفاء عبد ربه
- مع السلامه ياحبيبي
- *****************
- مع السلامه
- ياأجمل حلم في حياتي
- مع السلامه
- ياأجمل ذكرياتي
- دا كل حلم حلمته بيك وليك ..
- وكل أملي كنت حصرته فيك
- مع السلامه ياللي
- كنت أحس معاه إنه كاإني
- مع السلامه ومين غيرك
- تاني هاأقدر أشكيله همي
- كنت ليا أجمل هديه
- من ربي رحمةً بِال بيا
- عمرك ما اتأخرت عني
- ولا قولت لي الصبر
- الصبر ياحبيبتي فيه التأني
- معاك !!!!!
- كان اليوم بيعدي كأنه ثانيه
- كنا عارفين إن الدنيا فانيه
- وإتمنينا نعيش سوي
- عمر تاني في دنيا تانيه
- لكن القدر فرق مابينا
- واللقا ماعاد نصيبنا
- كل دا كان غصب عنا
- كل دا ماكان باإيدنا
- مع السلامه ياحبيبي
- مع السلامه
- مُش هاعاتبك
- ومُش هالومك
- مادام في البعد سعدك .
- مع السلامه
- ياكل إللي حيلتي
- يانور في قلبي
- كان بينور بصيرتي
- مع السلامه
- ياأجمل مافيا
- ياكل إللي ليا
- مع السلامه
- مع السلامه وقلبي داعيلك
- تسعد يانبضي إنتً ونصيبك
- مع السلامه
- وكل حاجه حلوه راحت معاك
- مُش هاقولك
- ع إللي بيا ونار البعاد
- من بَعدك ياحبيبي
- أنا هالزم السكات
- وأحصر العمر
- إللي باقي في لحظات
- كنت معايا وعيشتها وياك
- وأحيي كل
- إللي كان بينا من ذكريات
- هاطوي صفحة المستقبل
- علي نفسي وأقفل حياتي
- لأجل ماأعيش معاك لوحدي
- ويا أجمل ذكرياتي
- مع السلامه ياحبيبي
- مع السلامه ياحياتي
- صفاء عبد ربه
ليست هناك تعليقات:
إرسال تعليق