يا دوب إنسان بيتعاند من الدنيا و بيعيشها // بقلم الكاتب // مصطفى اجمد
- يا دوب إنسان بيتعاند من الدنيا و بيعيشها
- فيفتح درج كان مقفول يطلع كل أوراقه يرتبها يكلمها يناقشها
- تحاول روحه تتهرب من الواقع و تتمرد و تعمل نفسها بتموت فينعشها
- يلاقي حياته مفروضه و مجبر إنه يستحمل فيرجع تاني ويحاول من الأول
- يا دوب إنسان بيتعاند من الدنيا و بيعيشها
- فيفرض نفسه على الواقع و يلعب دور ما ينفعلوش
- يطلع تاني أوراقه يكلمها ما تسمعلوش فيفهم إن أفكاره خلاص بتموت
- و يدفن حلمه في ضلوعه يموت الحلم من القهره
- تعافر فكره مدفونه بقالها سنين عشان تظهر
- تقول له إكتبني بيت في ديوان ما تطبعهوش
- يرد يقول لها أسف أنا دافنك بقالي سنين و بالنسبالي مش ظاهره
- دموعها تغرق المكتب و تتحايل عليه تاني
- تحاصره باقي أفكاره و يتكتف يحس بضعفه قدامهم فيتأسف
- و يمسك قلمه بيمينه و يشفط شفطة من الفنجان
- و يكتب بيت ورا التاني ويبدأ يرسم العنوان يلاقي قصيدته عنوانها يا دوب إنسان
- ضميره يقول له سيب الورقة و إسمعني تعالى نبص في مرايتك عشان تفهم
- ليالي كتير و أنا سايبك بتخدعني و عامل نفسي مش شايف و في الآخر بخاف تندم
- فبصرخ فيك ما يمكن صرختي تصحيك و لو ما صحيتش من صوتي يا ريت تدفني في ضلوعك يكون أكرم ده لو كان لسه في أصلآ مكان ليا
- ما أنا شايفك بتدفن يوم ورا التاني بتقتل يوم ورا التاني في أوراقك و أقلامك و أفكارك و أحلامك
- بقى عقلك أداة إعدام و بين الضلع و التاني مقابر موت جماعيه
- و لسه مش عايزني أصرخ أنا هاصرخ بصوت عالي
- عشان بعد أما تقتلني و أحلامك تقابلني هتسألني ما فكرتوش بأحلامه ؟!
- أرد و أقول لهم أسف صرخت بعزم ما فيا ويفضل هو في الآخر يا دوب إنسان
ليست هناك تعليقات:
إرسال تعليق