ومن تانى جحا ( كلمتنا للأرجوز ) بقلم الشاعر // أحمد هادي
- ومن تانى جحا ( كلمتنا للأرجوز )
- وأهو من غشاوة جحا
- بتمر السنين وتفوت
- والعمر بيعدي
- ولسة قلبه جحود
- يبكي علي الأطلال
- ويعزفلنا ع العود
- دندن ودندن كتير
- والبعد مش مقصود
- تبات تصدق كلامه
- لحد الصباح ما يعود
- ولما يجي الصباح
- تلاقي الكلام مهدود
- عجبي عليك ياجحا
- عجبي عليك ياجحا
- غنينا ع الموال
- الدنيا ملعب وسيرك
- وكلنا رحال
- قولنا وقالوا كتير
- وكتبنا في الأمثال
- لو كانت دامت عليك ؟
- طيب دامت لمين قبلك ؟
- إرفع غشاوة عنيك
- ده ياما كان وكان قبلك
- أصل الحياة ياحجا
- عاملة كما الأرجوز
- قولناها من بدري
- وياما خدنا فيها دروس
- الدنيا متسابة
- بس الكلام ما يجوز
- هتلاقي عمره طويل
- أطول من الأرجوز
- شاعر إستثنائي
- أحمد هادي
ليست هناك تعليقات:
إرسال تعليق