لساكى جنب الجدار مستنظره عمرك @@ بقلم الشاعر @@ رفيق القلم سيد صميده
- لساكى جنب الجدار مستنظره عمرك
- عمرك اللى رحل ملضوم ف خيط قدرك
- والدمعه مسجونه وسجانه ف ليل قهرك
- لساكى محنية العود كما العكاز
- والعضم صار هاشش كانه ازاز
- والجلد ع الجسد منشوركما الحصير كرانيش
- كفى دموعك وع العمر ماتبكيش
- لساكى لامه العمر فى بؤجه وع الكتاف شيلاه
- لساكى سانده ع الجدار ضهرك
- مستنظره الليل يجى ونيس قهرك
- لساكى فاكره خطاكى وانتى لسه صغار
- وضحكة السنه على شطوط لانهار
- وانتى بتحكى ذكريات عمرك
- روحتى وراحت معاكى ضحكه رنانه
- كانت كيف الرعد ف صباحنا ومسانا
- نسمعها واحنا صغار وانتى حضنانا
- جوه كلامك اللى صار كالريش
- لساكى باصه بعيد مستنظره الراجع
- يرمى عليكى توب يزيل هم ومواجع
- ساكن معاك وانتى لسه صغار
- لساكى ورا الباب مستنيه وقاعدة
- بدك غريب يرجع ف ايده عطر ومساعده
- يا خد بايدك ويشفى الاوجاع
- لساكى حاطه الكف على خدك
- ونظرة العين مرسومه وبتاخدك
- لزكريات فاتت معاها العمر اللى من بختك
- لساكى فاكره العمر وسنينه
- ودورة الروح اللى قاعده ف جبينه
- مرسومه كيف الهلال على شراع وشك
- رفيق القلم
- سيد صميده
ليست هناك تعليقات:
إرسال تعليق