بنشد حبال الوهم بخيبه @@ بقلم الشاعر @@ الطيب عوض أبو محمد
- بنشد حبال الوهم بخيبه
- وبنسرق قوت الحلم وبكره
- والفكرة إن صدقت يوم بالعلم
- بنحط أيدينا ع وشوشنا
- نصرخ ونقول يا دى العيبه
- والغيبه نميمه لكن ماشيه
- بنعظم لأكبر حراميه
- اكمن الواد من الحاشيه
- طالع نازل زى المنشار
- طيب ف الوش لكن غدار
- مرسومه الضحكه يغدر وجرح
- والصرح دا كان أسباب الفرح
- اليوم بيبيع الوهم فى كيس
- على طول داير ينهب ومفيش
- وبركة ربك اهى ماشيه
- بنشد فى بعض لجل تعدى
- عارفين أنه جواه فاضى
- وبنضحك ع الهم بتاعنا
- نكدب ونقول وقت تحدى
- والخايب
- أهو مسك النايب
- عمال بيوزع ع الاضيشه
- مطمن أنها حتعدى
- وأصحاب الحق لو يوم سألوا
- دمعه بتنزل تسبك كدبه
- يصرخ ويقول مش عندى
- معذور الواد كان متلجم
- واكمن غباءه شيء عادى
- بيطاطى الرأس تمام يا فندم
- الواد دا كان رمز جهاله
- ولما الصدفه بتخدم ويا سفاله
- أبو جهل خلاص بقى معلم
- موكب علماء سايقه جهلهل
- ازاى الدنيا راح تتقدم
- احفظنا يا رب وسلم
- #الواد_دا_كان
- #الطيب_عوض_أحمد
- 22/2/2017
ليست هناك تعليقات:
إرسال تعليق