(((☆•• الشمس ..مطفيه !!••☆))) بقلم الشاعر @@ ابراهيم القاضي
- (((☆•• الشمس ..مطفيه !!••☆)))
- ةةةةةةةةة
- قال الناياتى للبنات ..
- والقمر ..سكران !
- غنائى لذاتى ..
- و أناتى ..لذاتى
- و مماتى عنوان ......
- ةةة ....
- القطر ..بيهاتى
- على ضهر محراتى ..
- يا سكة ..الآتى
- ياتايهه ف الآن ......
- ةةة .....
- فولى مش حراتى ..
- ولا زيتى ..زياتى !
- والقرد ..قرداتى
- بيلعب الإنسان .....!
- ةةة ....
- القله مكفيه ..
- والحله ..ضهريه
- يا شمس مطفيه ..!
- من شهقة الدخان .....!
- ةةة....
- الناقه ..ف الطاقه
- والنعجه ببطاقه ..
- يا لعبه ..حراقه !
- ف القافيه والأوزان ...!
- ةةة ....
- البحر صار مخروم ..!
- والهاتمه طالبه ..الدوم
- وخيط الأسى ملضوم ..
- فى رقعة الغلبان .....!
- ةةة.....
- الطبله ويا الرق..
- فوق الدماغ ..بتدق
- وإيش سكتك يابق ..
- ع الكدب ..والعصيان ....!
- ةةة .....
- فرشوا الحارات بخريف ..
- شدوا اللحاف ..ع الريف
- والمحكمات ع الكيف..
- خلوا السخيف طرزان ....!
- ةةة ....
- القمر لسه ف التوهه..
- والشمس ..غموها !
- ياندهه مش مندوهه..!
- دا الفعل فعل الجان .....!
- ةةة....
- القطر زى القرد ..
- ع السكه ..يلعب نرد !
- يرمى التهم ع الأرض..
- والناقه والأوزان .....!
- ةةة ....
- صوت الناياتى مات ..
- فى حفله ..بالرنات !
- يا حرقة المحرات ..
- ع البنا والبنيان ....!
- ةةة....
- كل الشوارع ..هشه
- والبيضه ماسكه مقشه ..
- حلم الجعان ..يتعشى
- لو رشه م الغربان ......!
- ةةة ....
- دق الرصيف ع الباب ..
- دق الرصيف ..كداب
- يا كتابه عاوزه..كتاب
- ع الفتنه و الفتان ......!
- ةةة.....
- شرح القضيه ..طويل
- عشان الميزان بيميل ..
- سمع صراخ ..الجيل !
- وسد الودان بالطين ....!
- ةةة ....
- قربه ولقمه ..وحلبه
- وهدمه خيش بمحبه
- وصوت بشويش ..يتلبى
- م القلب و الوجدان .....!!!
- ةةةةةةةةةةةة
- الشاعر /ابراهيم القاضى 11 مايو 2011م
ليست هناك تعليقات:
إرسال تعليق