( حصة املاء) @@ بقلم الشاعر @@ رافت يوسف

• ( حصة املاء)
• رافت يوسف
• امسح بايديك السبورة
• اكتب في النص تسمي الله
• نقطه وفي السطر اللي تلاة
• اكتب : املاء
• واصنع لحروفك طير في سماة
• واتعلم تفهم معني القول
• ودا ليا رجاء
• حافظ ع العلم اللي في راسك
• صاحب كراسك ابعد 
• عن فكر الجهلاء
• علمك دا سلاحك افراحك
• يغنيك ع الناس 
• العلم مهوش جمله في كراس
• العلم دا فكر 
• بيملي الراس 
• الجهل عناء.......
• خليك طاير بالحلم اللي
• مامنه مناص
• شيل بلدك في العين 
• ع الراس 
• قرب من كل اللي يساعدك 
• وبفكر الاستاذ متنور
• قرب منه 
• وابعد ع الاستاذ هراس
• وانه في قربك راح واتصور 
• اللقطه ياولدي بقت
• فينا داء
• رجع بايديك اللي في ايامنا
• اتعلمناه خليك موهوب 
• الحلم في ايد اللي مايتسموا
• اهوو تاه 
• في النوم هتصاحبك تصاورهم
• واللي يقرب م اللقطه معاهم
• ياولداه 
• .ماالكل منفد علي بعضه
• وغباء في غباء
• لكن عارف انت المستقبل
• انت اللي بايدك هاترجع 
• زمن الاخلاق
• اهرب من سجن الفكر
• المتكبل بيه
• خطي عليه 
• اعتبرة وباااء
• اكتب يابني اتملي 
• وخلي حمولك علي ربك 
• هو الخلاق
• اكتب وابدا من اول سطرك
• قبل مايتحمل بهمومك 
• قطرك
• اتعلم لغتك اخلاقك 
• اخرج عن صمتك 
• واكتب عن 
• زمن النبلاء
• وان زمان كان فيه استاذ
• وضمير في العلم 
• دا كان متعاذ
• مش حجه ان
• الاستاذ محتاج 
• ماهو برضه زمان كنا 
• في شدة واستاذنا كان
• سيد الفقراء 
• لكنه ضمير يحكم استاذ 
• عن استاذ 
• مش علم في زمن الفكر الهش
• قزاز في قزاز 
• اكتب ياضنايا بلاش 
• اوجاع 
• الجهل سابقنا بالف دراع
• لاحسن علشان الكرسي
• في يوم تتباع
• .اكتب واتعلم الف باء
• حافظ علي قلمك
• هو اللي باقيلك
• رابط ع الشنطه بايدك
• لاحسن هاتضيع 
• مسطرتك مع كشاكيلك
• حافظ دايما 
• علي موهبتك
• واستني الايد اللي في وقتها 
• راح هاتجيلك
• مع كل اخواتك وزمايلك
• رغم ان البعدا دا دول
• حابسينك وربك يشفيهم
• م الفكر اللي
• دا اصبح داء 
• لكن للجهل دوااء
• خليك علي امل
• ان هناك باقي عقول شغاله 
• ورغم السئ فية ناس
• بتعلم مش كسلانه 
• وناس ضمايرها وعقولها 
• بالخير مليانه 
• هاستني معاك الفجر ياولدي
• مع كل الناس التعبانه 
• تكتب من تاني وتتهجا
• حروفك وحدك
• من غير مايصادر
• فكرك كل الدخلاء
• خليك موهوب لسه اساتذة 
• بفكرها محبوسه معاك
• راح تستني تخرج للنور
• وتفتح زهر الامل اللي
• مصاحب جوواك
• ابدا ابدا مايموتش ضمير
• لساك اخضر قلبك 
• كما قلب العصافير
• ولساك هاتطير 
• لساك عايش 
• وسط الاحياء 
• وبتكتب الف باء راء
• وحروفك مش 
• محتاجه هجاء 
• مبروك ناجح 
• منقول للصف اللي يليه 
• واستني في اول حصه
• هاكون وياااك
• نفتح للحلم انا وانت
• هناك شباك
• وتكون الحصه الجاية
• مهيش املاء
• نكتب موضوع عن مصر بلدنا 
• بس المرادي يكون
• انشاااء انشاااء 
• اهتف انا وانت بصوت 
• مسموع 
• نفتح صدرنا للهوا والضوء 
• تحيا الطفل المصري يعيش
• ويسقط كل الجهلاء
• يسقط كل الجهلاء
• واكتب تحت الجمله باسمك
• هنا امضااااء
• رافت يوسف