( نفسى ) @@ بقلم الشاعر @@ ( نبيل الوردانى )
- ( نفسى )
- عايز اقول كلام كتير
- جوه منى
- نفسى اطير
- أو أرفرف بجناحين
- عايز احس بإنى فير
- ممكن أبقى حتى بلبل
- يوم أغرد يوم أسير
- بس أفرد ريش جناحى
- مش ضرورى اكون أمير
- مش مهم اكون فقير
- مش ح بات ف يوم جعان
- والغصون مليانه خير
- أصل رب الكون حبانا
- هو دايما كان معانا
- لو عصيته
- مش ح يمنع عنى رزقه
- النعيم ف الدنيا زايل
- بس عنده فوق كتير
- وانت ساجد قول يارب
- قولها تانى قول وعيد
- هو أقرب ليا منى
- حتى من حبل الوريد
- إلا عفوك مش ح اريد
- يللى كرمك زى نعمك
- هو شامل كل إيد
- مش راح اطمع
- أو أقول هل من مزيد
- يللى فضلك
- ماتشاء لمن تريد
- نفسى شكرك
- يبقى فرض
- نفسى حمدك
- يبقى عيد
- ( نبيل الوردانى )
- شاعر
ليست هناك تعليقات:
إرسال تعليق