كان عندي ألف م الأمنيات @@هذا السجال وليد اللحظة تم بحمد الله وتوفيقه بين كلا من الشاعرة \فاطمة على والشاعر محمود عمار الزلباني

• بسم الله الرحمن الرحيم
• هذا السجال وليد اللحظة تم بحمد الله وتوفيقه بين كلا من
• الشاعرة \فاطمة على والشاعر محمود عمار الزلباني
• اليوم الاربعاء الموافق 22\2\2017
• لعله ينال إعجابكم شعرائنا الأفاضل
• ****************************
• كان عندي ألف م الأمنيات
• *************************
• فاطمة علي
• أمنيات جوه الجاروف
• أحلامنا صبحت مزاله
• حكمت علينا الظروف
• بهجر الشوق و إعتزاله
• ________-------
• محمود عمار الزلبانى
• كان عندي ألف م الأماني
• كلهم صبحوا سراب
• ايه إللي باقي عندي تاني
• جوا مني غير سراب
• ----------------------
• فاطمة على ‏.
• عندى ألف من الأمانى
• لكن هزمانى الإراده
• كل ساعه أتعب أعانى
• و ألقى جرحى له إعاده
• ‏ ‏‎ --------------------‎
• محمود عمار الزلبانى
• عندي ألف م الأماني
• كلها عكس الظروف
• الفرح يبقى معاي ثواني
• والحزن عندي جاي يطوف
• ---------------------
• فاطمة على
• عندى ألف من الأمانى
• نفسى أحققهم و أموت
• بس صدمتنى المعانى
• و قيدتهم فى التابوت‎
• ‏-------------------
• محمود عمار الزلبانى
• كان عندي ألف م الأماني
• نفسي مرة أعيش سعيد
• الهموم عرفت مكاني
• أتاريني عنهم مش بعيد
• ---------------------
• فاطمة على
• عندى ألف من الأمانى
• غزلاهم قفطان لخلى
• عايزه أنشدله الأغانى
• و أعيش فى ظله تملى
• --------------------
• محمود عمار الزلبانى
• كان عندي ألف م الأماني
• كلها تفرح قلوب
• الزمن جرحه كواني
• والهم لبسته توب
• -------------------
• فاطمة على
• عندى ألف من الأمانى
• و الإنتظار جمد فؤادى
• قلبه غادر ليه رمانى
• خلانى أعلن حدادى
• -------------------
• محمود عمار الزلبانى
• كان عندي كم م الأماني
• دلوكتي صبحوا ذكريات
• الزمان سهمه رماني
• خلاني أندم ع اللي فات
• ------------------
• فاطمة على
• عندى ألف من الأمانى
• زينت بيها سماهم
• و منهم الهم جانى
• سابونى أضيع بغباهم
• ------------------
• محمود عمار الزلبانى
• كان عندي ألف م الأماني
• إني أنجح في حياتي
• أو حتي يضحكلي زماني
• قبل ما يجي مماتي
• -------------------
• فاطمة على
• عندى ألف من الأمانى
• لكن زمانى نسينى
• لو مره يندهلى تانى
• كنت أوهب له حنينى
• -------------------
• محمود عمار الزلبانى
• كان عندي ألف م الأماني
• إني ألمح طيف حبيبي
• معرفش قلبه ليه نساني
• وكنت فاكره من نصيبي
• --------------------
• فاطمة على
• عندى ألف من الأمانى
• لكن همومى زكايب
• ‏ بايظ و معيوب ميزانى
• ما دوقت مرة الأطايب
• -------------------
• محمود عمار الزلبانى
• كان عندي ألف من الأماني
• إن الحبيب يسعد عيوني
• بس قلبه عليا جاني
• مع إنه كان ساكن جفوني
• --------------------
• فاطمة على
• عندى ألف من الأمانى
• و العشق مالك قليبى
• بصوته الجميل ندانى
• شوفته و قادلى لهيبى
• -----------------
• محمود عمار الزلبانى
• عندي ألف من الأماني
• حبيبي مرة أكون معاه
• لكنه يتمنى هواني
• وكنت نجمة في سماه
• --------------------
• فاطمة على
• عندى ألف من الأمانى
• شيلاهم لوقت لقاه
• لو مرة حس بحنانى
• لاكيد عوازله و عداه
• --------------------
• محمود عمار الزلبانى
• كان عندي ألف م الأماني
• كلهم صبحوا سراب
• ايه إللي باقي عندي تاني
• جوا مني غير خراب
• *************** محمود عمارالزلباني
• ***********************************فاطمة علي