سوق سوق @@ بقلم الشاعر @@ طارق السيد
- سوق سوق
- سوق على مهلك سوق
- وديني لباب اللوق
- وإطلع منها لشبرا
- ومن شبرا تسوق لدسوق
- سوق على مهللك سوق ياواد إنت ياحلو ياذوق
- سوق ياجميل بالراحة
- خليني ياواد مرتاحة
- وألف معاك الدنيا
- وأطير في السما سواحة
- بالراحة ياواد بالراحة على مهلك قوي بالراحة
- سوق بشويش بشويش
- بشويش إنشاء الله تعيش
- خلينا نعيش اللحظة
- ياواد إنت وبطل طيش
- بشويش بشويش بشويش على مهلك قوي بشويش
- على مهلك قوي على مهلك
- على مهلك وحياة أهلك
- خد بالك قوي م السكة
- وإوعى النداهة تندهلك
- على مهلك قوي على مهلك على مهلك سوق على مهلك
- سوق بينا ياواد ع الهادي
- ولف من الناحيادي
- خلي السكة طويلة
- مش عايزة أوصل في ميعادي
- عالهادي ياواد عالهادي سوق بينا ياواد عالهادي
- بقلم طارق السيد
ليست هناك تعليقات:
إرسال تعليق